Në Panairin e Jahteve në Monako, Lamborghini dhe Italian Sea Group prezantuan jahtin Tecnomar 101FT.
I projektuar për të tërhequr vëmendjen, ky superjaht është 30 metra i gjatë.
Lamborghini Fenomeno, i parkuar pranë tij, duket vërtet i vogël.
Megjithatë, kjo nuk është hera e parë që Lamborghini ka bashkëpunuar me Italian Sea Group.
Në të kaluarën ata prezantuan Tecnomar 63, dhe këtë herë formula mbetet e njëjtë, vetëm në një formë më të madhe.
Gjuha e dizajnit të kompanisë me seli në Sant’Agata është e dukshme dhe huazon qartë elementë nga Phenomenon i ri, duke përfshirë dritat në formë Y.
Nën trupin e anijes ndodhen tre motorë MTU 16V2000 M96L, të cilët i mundësojnë jahtit të lundrojë me shpejtësi deri në 83 km/h.Në botën e jahteve, kjo performancë është e ngjashme me atë të superveturave në botën e automjeteve me katër rrota.
Duke folur për pjesën e brendshme, ajo përdor gjithashtu gjerësisht stilin e superveturës Lamborghini.
Këto përfshijnë ngjyra të ndritshme, qepje të veçanta dhe madje edhe një statujë demi.
Sa i përket akomodimit, ka dhoma për tre anëtarë të ekuipazhit dhe nëntë kabina për mysafirë.
Lamborghini dhe Italian Sea Group nuk e kanë prodhuar ende jahtin, por dihet që i pari do të niset në lundrim në vitin 2027.
Nuk ka ende informacion mbi çmimet.
Nëse Technomar Lamborghini 63 mund të konsiderohet si bazë për të, çmimi pritet të jetë dukshëm më i lartë se 10 milionë dollarë. /Telegrafi/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
