Lamine Yamal, talenti 17-vjeçar i Barcelonës dhe përfaqësues i Spanjës, vazhdon të shkëlqejë në fushën e futbollit, duke lënë pas edhe legjenda si Lionel Messi e Cristiano Ronaldo në moshë të re.
Ai ishte protagonist i ndeshjes spektakolare kundër Interit (3-3) në gjysmëfinalen e Ligës së Kampionëve, dhe shumëkush tashmë e sheh si kandidat për Topin e Artë, ndonëse ende pa mbushur 18 vjeç.
Por përveç talentit, pas emrit të tij fshihet një histori e rrallë mirënjohjeje. Emri i plotë i futbollistit është Lamine Yamal Nasraoui Ebana – ku “Nasraoui” është mbiemri i babait dhe “Ebana” i nënës. Por “Lamine Yamal”, emri që mban në fanellë, nuk është pjesë e trashëgimisë familjare.
Sipas gazetës spanjolle Tribuna, ky emër i është vendosur në nder të dy burrave të panjohur, që në të kaluarën ndihmuan babanë e Yamalit të paguante qiranë gjatë kohëve të vështira. Si shenjë mirënjohjeje, ai premtoi se nëse një ditë do të kishte një djalë, do ta quante me emrat e tyre: Lamine dhe Yamal.
Ky gjest simbolik është kthyer sot në një emër që po njeh gjithë bota – një historik suksesi i lidhur me bujari dhe falënderim të sinqertë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
