Kështu thuhet në reagimin e LDK-së pasi vetëm një ditë më parë, nuk u lejua të futet në mbledhjen e KP-së të partisë, Donika Gërvalla, e cila pretendon se është kryetare e degës së LDKS-së në Gjermani.

“LDK-ja sqaron se gjatë procesit zgjedhor në LDK, në degën në Gjermani dhe Zvicër, nuk janë mbajtur procese të rregullta zgjedhore, rrjedhimisht znj. Gërvalla, nuk është kryetare dhe nuk përfaqëson Degën e LDK-së në Gjermani, ashtu sikur edhe z. Dibrani nuk përfaqëson degën e LDK-së në Zvicër”, thuhet në komunikatën e LDK-së.

LDK përmes komunikatës, tregon se ata ia kishin bërë me dije më herët Donika Gërvallës që ajo nuk është më kryetare e degës së LDK-së në Gjermani.

Ata shprehen të habitur me veprimet e saj, duke thënë se ajo “nuk u përket strukturave të larta të LDK-së”.

“Për habinë tonë, gjatë mbajtjes së mbledhjes së Këshillit u dëgjuan zhurma jashtë sallës dhe më vonë kuptuam se kishte tentim për të hyrë nga znj. Donika Gërvalla, edhe pse nuk ka qenë e ftuar, nuk është anëtare e Këshillit të Përgjithshëm dhe nuk u përket strukturave, të cilat ftohen në mbledhjen e këtij organi të lartë të LDK-së“, vazhdon më tej komunikata.

Donika Gërvalla nuk u lejua mbrëmë të futet në Këshillin e Përgjithshëm të LDK-së, madje, ajo u tërhoq zvarrë nga rojet e partisë kur tentoi të futej brenda mbledhjes. /Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur