Kryesia e Lidhjes Demokratike të Kosovës e ka dënuar largimin e fotografisë së Presidentit Historik të Kosovës Ibrahim Rugova në ambientet e Kuvendit.
Në reagimin e partisë që e themeloi Rugova, kërkohet nga organet përkatëse që autorin e këtij veprimi ta vejnë para drejtësisë.
“Historinë e re e kemi dëshmitaren më të mirë se në themelet e institucioneve të vendit tone qëndrojnë vepra dhe vizioni i Presidentit Historik të Republikës së Kosovës Ibrahim Rugova…Cenimi i kësaj vlere nuk mund të bëhet kurrë nga askush, asnjëherë, sepse ka prapa vullnetin e qytetarit të Kosovës dhe institucioneve të cilat po i ndërtojmë”, shkruan në këtë reagim. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
