Degët e Lidhjes Demokratike të Kosovës në Prishtinë e kanë përshëndetur nënshkrimin e Protokollit Financiar në mes të Francës dhe Qeverisë të Kosovës për kredinë 66 milionëshe të ndarë nga qeveria e Francës, mjete këto që do të shfrytëzohen për përmirësimin e procedimit të ujërave të zeza në kryeqytet

“Ky është projekti dhe investimi më i madh që do të bëhet në Kryeqytetin e Kosovës, Prishtinë, projekt ky që përfshinë trajtimin e problemit të ujërave të zeza, ndërtimin e një fabrike për përpunimin e ujërave të zeza dhe infrastrukturës përcjellëse”, thuhet në një komunikatë për media dërguar nga kolegjiumi i këtyre degëve.

“Ky projekt do të vjen pas dy projekteve të mëdha, ai Koogjenerimit dhe Fabrikës së ujit në Shkabaj, projekte këto të filluara në kohën e qeverisjes së LDK-së në Prishtinë.”

Kolegjiumi i degëve e falënderon kryeministrin Mustafa, njëherit kryetar i LDK-së, për përkushtimin e tij për të zhvilluar Kosovën dhe Prishtinën me tërheqjen e investimeve nga jashtë, thuhet në komunikatë./Insajderi.com