Lidhja Demokratike e Kosovës ka njoftuar se nesër do ta çojë në Prokurorinë Speciale vendimin e Gjykatës Supreme që rrëzoi udhëzimin administrativ të Ministrit në detyrë të Financave për arkat fiskale, me arsyetimin se është i paligjshëm për shkak se Hekuran Murati është edhe deputet dhe se kjo shkel dispozitat kushtetuese.
“Të nderuar përfaqësues të medieve,
Nesër (e mërkurë), në orën 11:30, Lidhja Demokratike e Kosovës dorëzon në Prokurorinë Speciale, vendimin e sotëm të Gjykatës Supreme. E dorëzojmë këtë vendim si dëshmi në 17 kallëzimet penale që i kemi ngritur paraprakisht më datën 8 maj 2025.
Ftohen mediet të përcjellin këtë ngjarje!”, theksohet në njoftim.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
