Lidhja Demokratike e Kosovës ka reaguar ndaj deklaratës së zëdhënësit të AAK-së, Muharrem Nitaj, drejtuar kryeministrit Mustafa gjatë ditës së sotme.

Në reagimin e LDK-së, të publikuar përmes profilit zyrtar në Facebook, thuhet se zëdhënësi i AAK-së, “i ka bërë plagjiat fjalët e ulëta të Vetëvendosjes, për të sulmuar kryeministrin e vendit”.

Në reagim, po ashtu, thuhet se në përpjekje që të bëhet dikushi, Nitaj deri vonë përdorte gjuhë rrugaçësh nëpër televizione publike.

“Gjithsesi, zëdhënësi ‘rrogëtar’ i AAK-së nuk shquhet për dije dhe tashmë po mundohet t’i imitojë disa prej njerëzve në habitatin ku përkohësisht po vegjeton, deri sa ta largojnë edhe nga aty si të panevojshëm në çdo aspekt”, thuhet në reagim.

Gjatë ditës së sotme, zëdhënësi i AAK-së ka thënë se “Isa Mustafa po shantazhohet për të votuar Demarkacionin me Malin e Zi”. /Insajderi.com

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër