Lidhja Demokratike e Kosovës ka mirëpritur aktgjykimin e Gjykatës Kushtetuese lidhur me situatën e konstituimit të Kuvendit të Kosovës, duke e konsideruar si vendim të qartë dhe të rëndësishëm për funksionimin e institucioneve demokratike, shkruan Insajderi.

Në reagimin e saj, LDK thotë se Gjykata ka bërë të qartë që grupi më i madh parlamentar nuk ka të drejtë të bllokojë konstituimin e Kuvendit dhe se për të propozuar kryetarin e Kuvendit, ky grup duhet të sigurojë shumicën prej 61 votash ose të arrijë konsensus me grupet e tjera parlamentare.

“Ky aktgjykim ka përcaktuar qartazi se grupi më i madh parlamentar nuk mund të bllokojë konstituimin e Kuvendit,” thuhet në deklaratën e LDK-së.

Po ashtu, LDK thekson se sipas nenit 187 të aktgjykimit, kryesuesi i seancës konstituive duhet të respektojë dispozitat kushtetuese dhe Rregulloren e Punës së Kuvendit, duke i rikthyer punimet në përputhje me praktikat parlamentare dhe duke proceduar me votim të hapur, jo të fshehtë.

LDK rithekson përkushtimin për një parlamentarizëm funksional dhe respektim të Kushtetutës, duke ftuar grupin më të madh parlamentar që ta zbatojë vendimin e Kushtetueses dhe të kontribuojë në konstituimin e shpejtë të Kuvendit.

“Ftojmë grupin më të madh parlamentar që të veprojnë në përputhje me këtë aktgjykim, t’i ndërpresin bllokimet dhe të kontribuojnë në ndërtimin e institucioneve që burojnë nga vullneti i qytetarëve,”, thuhet në reagimin e tyre.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!