Shefi i grupit parlamentar Pal Lekaj, ka deklaruar në Kuvendin e Kosovës se lideri i Aleancës për Ardhmërinë e Kosovës, “Ramush Haradinaj është pengesë që ua ndalë turrin serbëve”.

“Kërcënimi i Nikoliqit me përdorimin e Ushtrisë së Serbisë për të hyrë në Kosovë dhe shumë zhvillime të tjera që e vërtetojnë se ish-kryeministri dhe lideri, Ramush Haradinaj vazhdon të jetë e vetmja pengesë që ua ndalë turrin, serbëve”, ka thënë Lekaj.

Lekaj thotë se “ndalimi i Ramushit dhe veprimet e Serbisë na tregojnë se nuk jemi në situatë që të durojmë edhe me tutje ketë qeveri në Kosovë “e cila lejon Serbinë që të vazhdojë të na luftojë”.

“Detyrë kryesore e qeverisë së vendit tonë është, të kërkojë nga BE-ja që të mos i respektojnë këto fletëarreste, shkarravina të cilat e kanë firmën e gjakatarit, Millosheviq. “Durimit po i vjen fundit, aty ku ka padrejtësi nuk mund të ketë paqe”, ka përfunduar ai. /Insajderi.com