Një person ka mbetur i lënduar në rrugën “Xhorxh Bush” në Prishtinë pasi është goditur me mjete të mprehta.

Rastin e ka konfirmuar zëdhënësja e Policisë, Flora Ahmeti.

Ajo tha se rasti ka ndodhur rreth orës 18:50, me ç’rast një person ka mbetur i lënduar nga mjeti i mprehtë.

“I njëjti është dërguar për trajtim mjekësor, ndërkohë që policia ka nisur një hetim lidhur me rrethanat e këtij rasti”, tha Ahmeti.

Dy persona po intervistohen në stacionin policor, një dëshmitar dhe një person i dyshuar si i përfshirë në rast.