Një punëtor i kompanisë “Power ing Construction” ka pësuar lëndime të rënda gjatë punës në lagjen “Kroi i Vitakut” në Mitrovicën e Veriut. Derisa ishte duke vendosur shtylla betoni, njëra prej tyre ka rrëshqitur dhe e ka goditur në këmbë, raporton Insajderi.

Ai është dërguar në spital ku si pasojë e goditjes ka pësuar frakturë të jashtme

Punëtori është i kompanisë “Power ing Construction” që si aktivitet kryesor e ka “Telekomunikimin kabllor”. Sipas ARBK’së pronari i kësaj kompanisë është Isuf Zhegrova.

Vetë Zhegrova e ka minimizuar rastin duke thënë se punëtori “vetëm ka lënduar pak gishtin e këmbës”.

“S’ka kurrfarë lëndimi serioz. Gishti i këmbës është lënduar pak dhe është mjekuar. Tashmë ndodhet në shtëpi”, tha Zhegrova për Insajderin, duke shtuar se punëtori ka qenë i pajisur me të gjitha pajisjet mbrojtëse të nevojshme.

Policia e Kosovës dhe Inspektorati i Punës kanë dal në vendin e ngjarjes.

Në raportin e policisë thuhet se  rasti është duke u hetuar.

Detaje nga raporti:

Mitrovicë Veri / 27.05.2025 – 13:43. Raportohet se derisa ishte duke punuar në një firmë private, viktima është lënduar. Viktima është dërguar për trajtim mjekësor. Në vendngjarje përveç njësive policore kanë dalë edhe inspektorët e punës. Rasti po hetohet nga njësitet relevante policore.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!