Lojtari i kombëtares shqiptare Ermir Lenjani ka shkruar në llogarinë e tij në facebook për ndeshjen e djeshme me Francën, me ç’rast ka falënderuar dhe kërkuar falje tifozëve të kombëtares.

“Përsëri fati na ktheu shpinën në fund të ndeshjes”, e nisi reagimin e tij në rrjetin social Facebook, futbollisti i krahut të majtë në kombëtare.

Ai i falënderoi tifozët, të cilëve u premtoi se do të japin gjithçka si skuadër për t’i sjell gëzim në ndeshjen e fundit ndaj Rumanisë.

Do ta luajmë edhe një ndeshje dhe do të japim gjithçka nga vetja për ta fituar atë për tifozët më të mirë në botë. Faleminderit dhe na falni”, ka shkruar ia në rrjetet sociale.

Shqipëria humbi me rezultat 2-0 nga Franca në ndeshjen e zhvilluar mbrëmë në Marsejë. Golat për skuadrën nikoqire të kampionatit i shënuan Griezmann dhe Payet. /Insajderi.com