Me sponzorizimin e “Lëvizjes për Bashkim”, nesër në Kuvendin e Kosovës në rend do të vihet shqyrtimi i dytë i “Projektligjit për zonën e rrezikuar mjedisore të Obiliqit dhe rreth tij”.

Gjatë një njoftim në rrjetin social Facebook, LB thotë se me miratimin e këtij ligji krijohen kushte më të mira për mirëqenien e banorëve të Obiliqit me rrethinë si dhe kushte më të mira ambientale për banorët e Prishtinës e të Fushë Kosovës.

“Duke pas parasysh se ky ligj është një prej më të rëndësishmëve në Kosovë, në fushën e ruajtës së ambientit dhe mirëqenies së qytetarëve, Lëvizja për Bashkim fton të gjithë deputetët e Kuvendit të Republikës së Kosovës ta mbështesin këtë projektligj në mënyrë, që të njëjtit t’i hapet rruga për implementim.”, thuhet në deklaratën e publikuar nga “Lëvizja për Bashkim”. /Insajderi,com