Haki Abazi, ish-kandidat për deputet nga radhët e Aleancës për Ardhmërinë e Kosovës (AAK), ka reaguar në mesin e raportimeve se Nisma Socialdemokrate do t’ia votojë qeverinë Albin Kurtit.

Nacionale ka raportuar me burime lidhur me gatishmërinë e partisë së Fatmir Limaj që t’ia japë tri vota për formimin e qeverisë Kurtit, pa qenë pjesë e koalicionit. Lidhur me këtë raportim, nuk ka pasur asnjë deklarim publik as nga partia e Limajt e as nga ajo e Kurtit.

Mirëpo, duarkryq ndaj kësaj mundësie s’kanë qëndruar nga AAK’ja. Haki Abazi ka thënë se çdo lëvizje e, siç u shpreh ai, “hajvanatit” në drejtim të Kurtit për formim të qeverisë do t’i mundësonte këtij të fundit “realizimin e marrëveshjes sekrete për qeveri me Listën Serbe“.

“Gërshërët e Kurtit kanë shkurtuar LVV për 10 deputet që tani duhet t’i kompensoj me deputetët e LS. ZDRAVO është gjallë sepse majtistët jugosllav janë gjallë“, deklaroi ai, duke përfunduar “Apo Fatmir Limaj?“.

Limaj pati deklaruar para certifikimit të rezultateve të zgjedhjeve të 9 shkurtit se nuk ka vija të kuqe për asnjë subjekt politik, duke lënë të hapur mundësinë për bashkëpunim edhe me Lëvizjen Vetëvendosje.

Nisma dhe AAK u futën në një koalicion parazgjedhor në garën e zgjedhjeve parlamentare të 9 shkurtit. AAK mori pesë deputetë, ndërkaq nisma tre. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!