Edon Zhegrova luajti në të dyja ndeshjet e muajit nëntor me Kosovën, ndërsa në fundjavë kthehet në fushë me skuadrën franceze Lille. 

Zhegrova dhe Lille të dielën nga ora 15:00 janë nikoqirë të skuadrës Rennes, në kuadër të xhiros së 12-të të Ligue 1. 

Lille pas 11 ndeshjeve ka 19 pikë, ndërsa Rennesi ka grumbulluar 11 pikë. 

Sulmuesi i krahut, 25-vjeçari Zhegrova, pritet të jetë rrezik për portën kundërshtare pas formës së shfaqur me skuadrën e tij së fundmi. 

Ai në 17 ndeshjet e edicionit aktual ka realizuar shtatë gola ndërsa ka kontribuuar me dy asistime. 

Marseille, që edhe këtë edicion është kandidat për titull kampioni në Francë, të shtunën nga ora 17:00 luan në udhëtim te Lensi. 

Disa ndeshje në Francë do të shtyhen shkaku i reshjeve të mëdha të borës.