Kryetari i Nismës Socialdemokrate, Fatmir Limaj, ka theksuar se krerët e shtetit të Kosovës janë zotuar për implementimin e Asociacionit të komunave me shumicë serbe në Kosovë.

Limaj ka kritikuar mënyrën e trajtimit të procesit të anëtarësimit në Këshillin e Evropës, duke theksuar se tre krerët e shtetit janë zotuar për implementimin e Asociacionit si një kusht për anëtarësim në KiE.

Ai teksa ka përmendur letrën e dërguar nga ministrja e Jashtme për këtë,  e ka konsideruar si një “tentim të një lloj mashtrimi në minutat e fundit”, që ka për qëllim të krijojë konfuzion te mekanizmat ndërkombëtarë dhe të dëmtojë procesin e integrimit të Kosovës.

“Presidentja është zotuar, tre krerët e shtetit janë zotuar, kur nuk iu ka funksionuar kjo letër, ministrja e Jashtme në mënyrë militante bën veprimin e natës së parë, presidentja nuk është duke e kontestuar këtë letër.  Janë zotuar para organeve për implementim të Asociacionit, kanë tentuar ta bëjnë një lojë në natën e fundit, kjo tregon papjekurinë politike, pa njohurinë diplomatike, tentim të një lloj mashtrimi në minutat e fundit me i vendos në lajthitje mekanizmat ndërkombëtarë”, ka deklaruar Limaj në Debat Plus.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!