Policia e Kosovës pas një hetimi të gjatë ka arrestuar mbrëmë tre shtetas serb, D.D, V.J dhe D.D.

Të njëjtit janë arrestuar pasi që kishin blerë emblema të Ushtrisë Çlirimtare të Kosovës, në një dyqan blerjesh në Prishtinës.

Por ende pa kaluar 48 orë nga arrestimi i tyre ata veçse janë liruar.

Kjo është bërë e ditur nga Prokuroria Speciale në vend.

Prokuroria ka njoftuar se serbët janë liruar pasi që për momentin nuk ka prova që çështja të mund të procedohet për në gjykatë.

Përpos kësaj lidhur me gjetjen e këtyre emblemave, sipas Prokurorisë të arrestuarit kanë deklaruar se janë koleksionues të emblemave.

Tre shtetasve serbëve u kishte dështuar plani. Ata kishin planifikuar që me uniform të UÇK-së me i incizu disa video në Veri të Kosovës me qëllim të hapin konflikte mes Kosovës e Serbisë për Veriun duke fajësuar Kosovën për planin, shkruan Gazeta Insajderi .

Pas arrestimit të tyre, Gazeta Insajderi ka mësuar se ata kanë pas si qëllim për të blerë uniformat me emblema të UÇK-së në Kosovë, për t’u dukur sikur është plan i Kosovës.

Ndryshe serbët u arrestuan në lagjen Dradogan të Prishtinës.

Përpos tre serbëve të arrestuar bashkë me ta Policia e Kosovës ka arrestuar edhe dy shqiptarë, njëri nga Prishtina e tjetri nga Komuna e Gjilanit.

Në bazë të deklarimeve të para është theksuar se tek serbët janë gjetur pesë emblema, të cilat ishin blerë në një prej dyqaneve në kryeqytet.

Tre shtetasit serbë kishin hyrë në Kosovë përmes pikë kalimit kufitar “Dheu i Bardhë” në Gjilan, gjersa automjetin e tyre me targa të Nishit e kishin lënë aty dhe më pas kishin udhëtuar me një veturë të njërit prej shqiptarëve i cili edhe i solli në Prishtinë.

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”