Lista Serbe, partia më e madhe e serbëve të Kosovës, njoftoi të premten se do të marrë pjesë në zgjedhjet parlamentare të 9 shkurtit në Kosovë.

Në një reagim në Facebook, Lista Serbe deklaruan se një ndër arsyet që e ka shtyrë të marrë këtë vendim ishte incidenti i ndodhur të enjten, kur deputetët e saj u penguan të hynin në sallën e Kuvendit të Kosovës.

Ky veprim, sipas partisë, është një shkelje e të drejtave të tyre dhe ka ndikuar në vendimin për të marrë pjesë në zgjedhje.

Përfaqësuesit e Listës Serbe kanë thënë gjithashtu se ata paraqiten në Kuvendin e Kosovës vetëm një herë në gjashtë muaj, për të mbajtur mandatin dhe siguruar vazhdimin e marrjes së pagave.

Reagimi i plotë:

Kryetari i Kuvendit, Glauk Konjufca u ka reaguar ashpër deputetëve të Listës Serbe, të cilët dje u paraqitën në seancën plenare, shkruan Insajderi.

Konjufca, veprimin e tyre e ka lexuar si provokim duke thënë se është e pa tolerueshme kjo sjellje.

Sipas tij, po e luftojnë Kosovën me çdo mjet e kanë guxim me u shfaqë.

Pos tjerash Konjufca u tha “Shkoni i rrini gatitu shefit kriminel Radoiçiq”.

Për më tepër, ai ka kërkuar që seanca të ndërprehet, dhe ta lirojnë sallën.

“Ju drejtohem deputetëve të Listës Serbe që vinë e provokojnë në këtë mënyrë. E patoleroueshme në Kuvend kjo sjellje një herë 6 muaj me ardh me keqpërdor para të taksapaguesve. Në anën tjetër e luftoni Kosovën me çdo mjet që keni. Shkoni i rrini gatitu shefit kriminel Radoiçiq. E keni guxim me ardh në Kuvendin e Kosovës. Turp të keni, ndërprehet kjo seancë e kërkoj me u liru këtë sallë”, ka thënë ai.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!