Kryetari i komunës së Drenasit, Ramiz Lladrovci, ka uruar ish-presidentin Hashim Thaçi me rastin e ditëlindjes së tij.

Lladrovci e ka cilësuar Thaçin si “Xhorxh Uashington i Kosovës”.

Ai ka thënë se njerëzit si Thaçi janë të rrallë në histori.

Postimi i plotë:

Miku im, Hashim, njerëzit si ti, janë të rrallë në histori, andaj, ditëlindja jote është po ashtu e veçantë, edhe pse në rrethana të padëshirueshme.

President, festo sot, sepse jo vetëm ti, por edhe të gjithë ne që kishim fatin të jemi afër teje, kemi arsye për ta shënuar këtë ditë.

Ti, Xhorxh Uashingtoni i Kosovës, ti që me shokë ke dhënë shumë për çlirim, shtetformim e shtetndërtim dhe po vazhdoni t’i jepni ende të drejtës dhe luftës tonë për liri, ti që së bashku me shokët je krenari kombëtare, paç jetë të gjatë!

Urime ditelindja miku im, Hashim Thaçi! /Insajderi