Kryetari i Drenasit, Ramiz Lladrovci ka njoftuar se gjatë ditës së sotme është takuar me ish-ministrin e jashtëm shqiptar, Gent Cakaj.

Lladrovci e ka quajtur Cakajn një “enciklopedi që reflekton tërë atdhetarizmin dhe vlerën tonë, të ardhmen tonë”.

“Lum Kosova për djemtë si Genti!
Genti i takon brezit më të shkëlqyer të rinisë tonë, të dëshmuar me kompetencën shkencore e diplomatike, për ballafaqimet më të ndjeshme strategjike dhe interesin nacional.
Lum Kosova për djemtë si Genti, enciklopedi që reflekton tërë atdhetarizmin dhe vlerën tonë, të ardhmen tonë.
Genti, më i miri nga më të mirët, kapërcen çdo standard të njohur intelektual në rrafshin nacional.
Faleminderit për konsideratën Genti, i ndershmi nderon!”, shkruan Lladrovci në postimin  e tij.

Kujtojmë se disa herë në media ishte përfolur se Gent Cakaj i cili kishte dhënë dorëheqje nga Ministri në detyrë për Evropën dhe Punët e Jashtme i Shqipërisë, mund t’i bashkohet PDK-së.

Ai ishte parë i shoqëruar disa herë me zyrtarë të kësaj partie.