Britania dhe aleatët e saj kanë vendosur zyrtarisht sanksione ndaj ministrave izraelitë të ekstremit të djathtë, Itamar Ben-Gvir dhe Bezalel Smotrich, për shkak të qëndrimit të tyre ndaj luftës në Gaza.

Gazeta Times raportoi se Londra ndoqi Kanadanë, Australinë, Zelandën e Re dhe vende të tjera në ngrirjen e aseteve dhe vendosjen e ndalimeve të udhëtimit për ministrin e sigurisë kombëtare të Izraelit, Ben-Gvir – një kolon nga Bregu Perëndimor – dhe Ministrin e Financave, Smotrich.

Ministria e Jashtme e Britanisë nuk iu përgjigj menjëherë një kërkese për koment.

Britania, ashtu si vendet e tjera evropiane, ka rritur presionin mbi qeverinë e kryeministrit izraelit Benjamin Netanyahu për t’i dhënë fund bllokadës së ndihmës humanitare nga qeveria izraelite në Rripin e Gazës, i cili është në prag të urisë, sipas ekspertëve ndërkombëtarë.

Londra muajin e kaluar pezulloi negociatat e tregtisë së lirë me Izraelin, duke akuzuar qeverinë izraelite për “politikat e saj skandaloze” në Bregun Perëndimor dhe Gazën e pushtuar.

Diplomacia britanike madje thirri ambasadorin izraelit dhe njoftoi sanksione të mëtejshme kundër kolonëve të Bregut Perëndimor.

Ministri i Jashtëm David Lamy, i cili e quajti përshkallëzimin e ofensivës izraelite në javët e fundit “një fazë të re të errët në këtë konflikt”, më parë i ka dënuar deklaratat e Smotrich-ut në lidhje me pastrimin dhe shkatërrimin e mundshëm të Gazës dhe zhvendosjen e banorëve të saj në vende të treta.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!