Sekretari i Përgjithshëm i NATO-s, Jens Stoltenberg, ka deklaruar se aleatët perëndimorë janë “të gatshëm të bëjnë më shumë” për të ofruar pajisje ushtarake dhe mbështetje për Ukrainën.

Por ministri i Jashtëm i Ukrainës Dmytro Kuleba, duke folur në një konferencë për shtyp më herët në selinë e NATO-s në Bruksel, tha se ndihma ishte e nevojshme çdo ditë dhe jo çdo javë.

Duke folur për agresivitetin e situatës, Kuleba i krahasoi luftimet e zhvilluara në rajonin e Donbasit me Luftën e Dytë Botërore.

“Lufta në Donbas do t’ju kujtojë Luftën e Dytë Botërore, me operacione të mëdha… përfshirjen e mijëra tankeve, automjeteve të blinduara, avionëve, artilerisë”, tha Kuleba.

“Rusia ka planin e saj, ne kemi tonin dhe rezultati i kësaj beteje do të vendoset në fushën e betejës”, shtoi ai.

Donbasi është zona e vjetër e Ukrainës dhe mbahet për prodhimin e qymyrit dhe çelikut./abcnews

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur