Betejat e këmbësorisë kanë filluar në qytetin e Gazës. Ushtria izraelite ka bombarduar tunellet që terroristët e Hamasit po përdorin për t’i zënë në pritë ata.

Videoja e publikuar nga ushtria izraelite tregon inxhinierët luftarakë duke zbuluar hyrjet e tunelit dhe duke hedhur në erë disa prej tyre me eksploziv. Rreth 130 tunele janë hedhur në erë deri më tani, njoftoi Izraeli të mërkurën, raportojnë mediat e huaja, përcjell Gazeta Insajderi.

Një video e veçantë e publikuar nga Hamasi të mërkurën duket se tregon beteja intensive në rrugë së bashku me ndërtesat e bombarduara në qytetin e Gazës.

Tanket izraelite kanë hasur në rezistencë nga luftëtarët e Hamasit, të cilet deri më tani kanë shfrytëzuar tunele nëntokësore për të organizuar prita. /Insajderi.org/