Gjykata Ndërkombëtare e Drejtësisë e OKB-së do të vendosë sot mbi kërkesën urgjente të Ukrainës që Rusia të ndalojë menjëherë pushtimin e vendit të saj.

Vendimi pritet të jepet sot në orën 16:00 në Hagë.

Ukraina akuzon Rusinë se po përpiqet ilegalisht të justifikojë luftën e saj, duke e akuzuar në mënyrë të rreme për gjenocid në rajonin e Donbasit.

Kievi kërkon që Gjykata të marrë masa urgjente dhe të urdhërojë Rusinë “të pezullojë menjëherë operacionet ushtarake”.

Ndërkohë Senati amerikan bën thirrje për hetime mbi krimet e luftës të Putinit.

Senati i Shteteve të Bashkuara miratoi njëzëri një rezolutë që dënon presidentin rus Vladimir Putin si një “kriminel lufte”.

Rezoluta, e paraqitur nga republikani Lindsey Graham dhe e mbështetur nga senatorë nga të dyja palët, inkurajon Gjykatën Penale Ndërkombëtare (ICC) në Hagë dhe vendet e tjera të ndjekin penalisht ushtrinë e Moskës për krime lufte të kryera në Ukrainë./A2CNN

IN Promo Marketing

KESCO prezanton oferta të reja për bizneset në tregun e hapur

Numërimi i ditëve ka filluar – më 3 Tetor zbulohet fituesi i madh

Meridian Express për ditëlindjen e 13-të, dhuron 10,000 € për kampanjën “Biblioteka e Fëmijëve në Pallatin e Rinisë”