Dy kandidatët për president të Francës, Emmanuel Macron dhe Marine Le Pen, do të shkojnë në raundin e dytë të zgjedhjeve, të cilat do të mbahen me 7 maj.

Macron, një ish-bankier, shihet si një njeri i panjohur për politikën franceze dhe është duke vazhduar pa mbështetjen e një partie.

Është hera e parë në gjashtë dekada që asnjë nga partitë kryesore të krahut të majtë apo të krahut të djathtë të Francës nuk ka pasur një kandidat në raundin e dytë.

Macron fitoi raundin e parë me 23.8 për qind të votave, ndërsa Le Pen mori 21.5 për qind të votave.

Ndërsa dy kandidatët tjerë që ishin të afërt me Macron dhe Le Pen ishin François Fillon dhe Jean-Luc Mélenchon të cilët mbetën prapa me vetëm 19% secili. /Insajderi.com