Manchester United dhe Tottenham i kanë bërë përmbysjet e mëdha në Ligën e Evropës sonte.

“Djajtë e Kuq” e siguruan një vend në çerekfinale pasi e mposhtën Real Sociedadin me rezultat 4:1 në ndeshjen e kthimit të së tetës së finales.

Spanjollët e kishin fituar lojën e parë në shtëpi 1:0, por u dorëzuan përfundimisht në “Old Trafford”.

Bruno Fernandes realizoi “hat-trick”, prej tyre dy gola nga penalltia, kurse një gol në fund e shtoi Diogo Dalot.

Kurse, golin e vetëm dhe të pamjaftueshëm për Sociedadin e realizoi Oyarzabal në fillim të lojës, po ashtu nga 11 metërshi.

Përmbysje bëri edhe Tottenhami, i cili e mundi AZ Alkmaarin me rezultat 3:1 në Londër, ndërsa e kishte humbur lojën e parë 0:1 javën e kaluar.

Odobert i shënoi dy gola, ndërsa një e shtoi Maddison për triumfin e londinezëve.

E golin e pamjaftueshëm për udhëtuesit e shënoi Koopmeiners.

Tutje shkoi edhe Lyoni, kurse Fenerbahçe nivelizoi gjithçka me Rangers duke fituar 2:0, ndërsa në shtëpi kishte humbur 1:3.

Kështu, kjo ndeshje do të shkojë në vazhdime, për t’u kompletuar çerekfinalja e Ligës së Evropës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!