Ministri i Mbrojtjes, Ejup Maqedonci, ka mohuar sërish lajmet që kanë qarkulluar rreth ushqimit të ushtarëve të FSK-së.

Ndonëse vazhdimisht publikohen fotografi nga kuzhina e FSK’së ku në disa raste ka ushqime të konservuara, Maqedonci sot është tallur me ushtaret.

Ai ka deklaruar se atyre po iu servohet edhe biftek i klasit të parë.

Në seancën e sotme e cila po vazhdon ende, ai tha se ushtarët po vazhdojnë të ushqehen me tri shujta, madje bëri të ditur se 1 mijë prej tyre në Babaj të Bokës, kanë ngrënë për herë të parë biftek të klasit të parë.

“Unë me të vërtetë vlerësoj që fatmirësisht ju jeni të ushqyer me lajme të rreme, mirëpo ushtarët po vazhdojnë të ushqehen me ushqim në tri shujta, dhe sot pikërisht 1 mijë ushtarakë që i kemi në Babaj të Bokës për herë të parë kanë ngrënë biftek të klasit të parë i cili është seruar pikërisht nga stafi i Ministrisë së Mbrojtjes dhe FSK-së”, tha Maqedonci.