Ministri i Pushtetit Lokal, Lubomir Mariq ka thënë se Projektligji për Trepçën është i papranueshëm për serbët, pasi ata nuk janë konsultuar gjatë hartimit të tij.

Ai ka deklaruar se Trepça është me rëndësi të madhe për serbët – për tre mijë punëtorët në veri, derisa projektligji është me pika kundërthënëse brenda tij, njofton Klan Kosova.

Mariq ka kundërshtuar marrjen e pronësisë në 80 për qind të Trepçës, duke kërkuar që të shkohet në bazë të strukturës ekzistuese.

Sipas tij, me këtë projektligj serbët e Kosovës po përjashtohen nga zhvillimi i Trepçës, ndaj ata nuk kanë shteg tjetër veç kundërshtimit të tij.