Një sfidë e re ka dalë për autoritetet zvicerane. Bëhet fjalë për martesat e hershme të vajzave në këtë shtet, shumica e të cilave martohen duke mos u bazuar në ligjet e Zvicrës për martesën.

Gazeta zvicerane “24heures” shkruan se përfaqësues të komunitetit mysliman por edhe katolik janë duke injoruar ligjet e Zvicrës sa i përket martesës.

Vetëm vitin e kaluar janë regjistruar 21 martesa religjioze të vajzave prej 14 deri në 17 vjet në Bern, Zurig dhe Solothurn.

Në shumicen e rasteve, vajzat e martuara janë nga Siria, Afganistani, Kosova, Iraku, Somalia dhe Maqedonia.

Mediat zvicerane duke u bazuar në raportet zyrtare shkruajnë se shteti po merret seriozisht me këtë duke vënë sanksione për imamët ose klerikët e tjerë fetar që martojnë vajza dhe djem të ri.

Autoritetet zvicerane thonë se shumica e këtyre martesave janë të bëra nën presionin e prindërve./Insajderi.com