Ish-sulmuesi i Manchester Unitedit, Anthony Martial, raportohet se është në prag të nënshkrimit të një kontrate rekord me klubin grek AEK Athens.

28-vjeçari ka qenë lojtar i lirë që kur u largua nga Old Traffordi në fund të sezonit të kaluar.

Marrëveshja thuhet se kap vlerën e 2.5 milionë funtesh në sezon, duke arritur në 7.5 milionë funte për tre vjet dhe është kontrata më e lartë në histori të klubit.

Vendimi i Martialit për t’iu bashkuar AEK Athinës vjen pasi bisedimet e tij me Flamengon në Brazil u ndërprenë për shkak të këmbënguljes së tij për një kontratë trevjeçare.