Ish-kryeministri i Kosovës dhe deputeti i LDK-së, Avdullah Hoti, ka reaguar ashpër ndaj dy udhëheqësve të lartë të shtetit, Albin Kurtit dhe Vjosa Osmanit, duke i akuzuar se kanë mashtruar qytetarët dhe kanë dëmtuar institucionet shtetërore, shkruan Insajderi.

Përmes një postimi në Facebook, Hoti deklaroi se dyshja, në përmbyllje të mandatit pesëvjeçar, po bëjnë “përpjekjet e fundit dëshpëruese” për të mbajtur pushtetin.

“Dy krerët e shtetit, kryeministri dhe presidentja, tanimë kanë hyrë në historinë politike të Kosovës si mashtrues të elektoratit dhe dëmtues të shtetit të Kosovës”, ka shkruar ai.

Hoti shtoi se kryeministri Kurti po mban institucionet të bllokuara dhe nuk po përballet me drejtësinë, ndërsa presidentja Osmani po kërkon “viktimën e radhës” për të siguruar një mandat të ri.

“I pari, duke i mbajtur të bllokuara institucionet e vendit dhe duke mos iu përgjigjur drejtësisë, ndërkohë që korrupsioni ka lulëzuar gjithandej. E dyta, po përpiqet të gjejë viktimën e radhës për ta mashtruar për një mandat tjetër apo për rikthim në garën politike elektorale”, shkroi ai.

Sipas tij skena politike në Kosovë sot është pa ide, pa angazhim dhe pa guxim për të ofruar zgjidhje për qytetarët.

Përplasja Hoti e Osmani ka ditë që ka nisur.

Dje, Presidentja e Kosovës, Vjosa Osmani, u pyet për deklaratat e ish kryeministrit Avdullah Hotinë kohën e Marrëveshjes së Washingtonit që tha se Osmani e “luftuar” atë.

Ajo tha se Hoti është njeriu më jorelevant dhe se akuzat që Kosova nuk i zbaton marrëveshjet vijnë vetëm nga Serbia.

Osmani e quajti “jorelevant” Hotin – i reagon Hykmete Bajrami publikon foton e tij me Trumpin

/Insajderi

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!