Policia e Kosovës ka gjetur të paktën katër raste ku persona të dyshuar po mbanin armë pa leje, shkruan Insajderi.

Dy raste në Podujevë, një në Prishtinë dhe tjetri në Fushë Kosovë.

Gjatë kontrollit policia ka gjetur armë si; pushkë gjuetie, pistoletë, gëzhoja e fishekë.

Rastet;

· Majac, Podujevë / 07.01.2024 – 10:20. Është arrestuar i dyshuari kosovar, pasi që gjatë kontrollit në shtëpinë e tij kanë gjetur dhe konfiskuar një pushkë gjuetie dhe 4 fishekë. Në konsultim me prokurorin, i dyshuari është liruar në procedurë të rregullt.

· Bërnicë e Poshtme, Prishtinë / 07.01.2024 – 12:00. Është arrestuar i dyshuari kosovar, pasi që gjatë kontrollit i është gjetur dhe konfiskuar një pistoletë me 6 fishekë. Në konsultim me prokurorin, i dyshuari është liruar në procedurë të rregullt.

· Vragoli, Fushë Kosovë / 07.01.2024 – 12:15. Është arrestuar i dyshuari kosovar, nën dyshimin se ka shtënë me armë zjarri. Gjatë kontrollit në shtëpinë e tij kanë gjetur dhe konfiskuar pistoletën dhe 3 gëzhoja. Me vendim të prokurorit, i dyshuari është dërguar në mbajtje.

· Podujevë / 07.01.2024 – 17:30. Njësia policore gjatë kontrollit të një veture dhe afër saj kanë gjetur dhe konfiskuar 70 fishekë të kalibrit të ndryshëm. Është identifikuar dhe arrestuar i dyshuari mashkull kosovar dhe me vendim të prokurorit është dërguar në mbajtje.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur