Rreth 100 punëtor të Ndërmarrjes Publike “Prishtina Parking” nuk kanë marr pagën e plotë për muajin korrik dhe gusht. Inkasanti i kësaj ndërmarrje, Festim Beqiri ka treguar për Insajderin se për këtë dy muaj kanë marr gjysmën e rrogës dhe pjesa tjetër ende nuk iu është paguar.
Sipas tij, menaxhmenti i ndërmarrjes i ka njoftuar punëtorët se kanë probleme financiare për shkak të rënies së të hyrave nga tereni dhe nuk e dinë se kur mund t’i ekzekutojnë pjesën e pagës së mbetur.
Kjo është konfirmuar edhe përmes një mesazhi që menaxheri ua ka dërguar punëtorëve në Viber:
Beqiri dyshon se kjo rënie vie si pasojë e keqpërdorimit të parasë brenda ndërmarrjes.
“Mua me kanë larguar nga pikat ku ka shumë punë. I kanë vendos njerëzit e tyre. Unë nuk kam pranuar që të dorëzoj dhe pranoj pazarin pa e numëruar”, thotë ai duke aluduar në keqpërdorim të të hyrave.
Për më shumë detaje ndiqeni intervistën e plotë:
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
