Portieri i Fluminenses, Fabio ka hyrë në histori të futbollit.

Në fakt, portieri brazilian e ka zhvilluar mbrëmë ndeshjen e 1391-të zyrtare, gjë të cilën nuk e kishte bërë askush tjetër më parë.

44-vjeçari kështu e kaloi rekordin e anglezit Peter Shilton, i cili i kishte zhvilluar 1390 ndeshje në karrierë, e rekord të cilin Fabio e kishte barazuar pak ditë më parë.

Portieri i Fluminenses e shkroi historinë në fitoren 2:0 ndaj America de Kali në stadiumin “Maracana” të Rio de Janeiros në ndeshjen e kthimit të së tetës së finales së Copa Sudamericana.

Kështu, Fabio është lojtari profesionist me më së shumti paraqitje në histori, ndonëse ende nuk është zyrtarizuar e njohur ky rekord nga FIFA e as nga Konfederata e Amerikës së Jugut (CONMEBOL).

“Ndonjëherë nuk e kuptojmë rëndësinë e një arritjeje kaq të madhe, që ka rezistuar për kaq shumë vite”, u shpreh portieri brazilian, i cili e mbylli lojën pa gola të pësuar dhe me një pllakë mirënjohjeje për arritjen e tij.

“Nuk luan askush kaq shumë ndeshje pa pasur një nivel profesionalizmi si i tij”, u shpreh trajneri i Fluminense, Renato Gaúcho.

“Ai do të vazhdojë me siguri të luajë edhe për shumë kohë. Do të jetë e vështirë që dikush ta kalojë rekordin e tij”, vazhdoi ai.

IN Promo Marketing

Sasi e re e iPhone 17 Pro Max dhe iPad Pro ka arritur në Zone Mobile, çmime të reja nga...

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!