Trupi Gjykues në rastin “Thaçi dhe të tjerët” pranë Gjykatës Speciale ka caktuar datën 12 qershor si afatin e fundit për dorëzimin e mocionit të përbashkët nga ekipet mbrojtëse për rrëzimin e aktakuzës.

Gjykata po ashtu ka vendosur që t’i shkurtojë afatin Zyrës së Prokurorit të Specializuar për të kundërshtuar kërkesat e dorëzuara nga mbrojtësit Misetiq, Dixon, Roberts dhe Alagendra.

Sipas vendimit, Kimberly West dhe ekipi i saj do të kenë afat deri më 7 korrik për të argumentuar pse aktakuza duhet të mbetet në fuqi. Ndërkohë, Paneli Gjykues, i kryesuar nga Charles Smith, ka bërë të ditur se synon të marrë vendimin përfundimtar për mocionin e rrëzimit të aktakuzës më 14 korrik, raporton Klani, transmeton Insajderi.

Vendimi që do të merret pritet të ndikojë në afatet e mëtejshme të procedurës, përfshirë paraqitjen e dëshmitarëve nga Mbrojtësi i Viktimave. Po ashtu, është caktuar data 16 korrik si afat për ekipet mbrojtëse për të konfirmuar nëse gjatë vjeshtës do ta paraqesin rastin e tyre dhe nëse do të thërrasin dëshmitarë në sallën e gjykimit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!