Policia e Kosovës po kërkon ndihmë për identifikimin e një të dyshuarit për vjedhje.

I dyshuari shihet të jetë një person i ri, me flokë shumë të shkurta, me mustaqe dhe pa mjekër.

“Njësiti i hetimeve të stacionit policor të Graqanicës, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e personit që shihet në fotografi”, thuhet në komunikatë.

“Për çdo informatë që mund të çojë në identifikimin e personave apo vendodhjes së tyre, kontaktoni policinë në numrin e telefonit: 192”.