Kryeministri i vendit, Albin Kurti ka reaguar më në fund për rezultatin e zgjedhjeve lokale, ku partia e tij fitoi më së paku komuna, shkruan Insajderi.

Kurti para gazetarëve ka thënë se ky rezultat i dobët i VV erdhi për shkak të një defekti të brendshëm dhe për shkak se gjitha subjektet tjera u bënë bashkë.

I pari i ekzekutivit urojë gjithë kandidatët fitues dhe u shpreh se do të bashkëpunojë me secilin prej tyre që do ta luftojë krimin e ndërtimit.

“Administrim i procesit zgjedhorë të balotazhit nga KQZ ishte shumë i mirë, e përgëzojë KQZ-në. I urojë gjithë kryetarët që u zgjodhën dje. Do të kenë shumë punë sidomos në fushën e krimit të ndërtimit. Unë do të bashkëpunojë me të gjitha ata që duan ta luftojnë krimin”, tha Kurti në konferencën e përbashkët me kryeministrin kroat, Andrej Plenkoviq.

“Rezultati jo i kënaqshëm vjen si rezultat i disa defekteve të brendshme, të cilat ne duhet t’i analizojmë më gjatë në vijim si dhe i bashkimit të të gjithë tjerëve kundër Vetëvendosjes”, tha Kurti, përcjell Insajderi.

Nga rezultatet e publikuara nga Komisioni Qendror i Zgjedhjeve, shihet se Lëvizja Vetëvendosje ka arritur të fitojë vetëm në katër komuna. Podujevë, Gjilan, Shtime e Kamenica derisa ka pësuar humbje në Prishtinë, Prizren e Gjakovë./Insajderi.org