Albion Rrahmani po tregon formë të mrekullueshme me kombëtaren e Kosovës.

Në dy ndeshjet miqësore që “Dardanët” i zhvilluan me Armeninë dhe Komoret, sulmuesi shënoi pesë gola – dy kundër armenëve dhe hat-trick kundër Komoreve.

E kjo formë po u pëlqen çekëve, të cilët kanë lavdëruar paraqitjet e Rrahmanit, i cili luan për Sparta Pragën.

“Ndërsa ekipi kombëtar çek i futbollit humbi në mënyrë të turpshme ndaj Kroacisë, ekipi i Kosovës ende nuk e ka filluar kualifikimin dhe ka luajtur dy ndeshje përgatitore. Ata i fituan të dyja bindshëm dhe përveç kësaj, një sulmues shumë i njohur për tifozët çekë u shfaq. Albion Rrahmani shënoi dy herë kundër Armenisë për herë të parë dhe disa ditë më vonë shënoi një hat-trick kundër Komoreve”, shkruan media çeke “ruik”.

Albion Rrahmani kaloi te Sparta verën e kaluar për 5 milionë euro nga Rapidi i Bukureshtit. Te klubi i ri, sulmuesi kosovar pati disa ndeshje të shkëlqyeshme, ndonëse nuk arriti kurrë të ishte në formacionin startues. Kështu, u spekuluar se ai do të largohej dhe klubi do ta shiste me humbje.

Megjithatë, siç raporton “Ruik”, informacionet e fundit janë kontradiktore dhe duket se Rrahmani do të luftojë nën drejtimin e trajnerit të ri Brian Priske.

Ky medium thotë se tifozët mezi presin të shohim se çfarë do t’i bëjë Rrahmanit ardhja e trajnerit Priske.

Rrahmani do të luftojë përsëri për pozicionin numër një me Jan Kuchtan, me të cilin Priske ka një marrëdhënie të shkëlqyer, por tani që po afrohen ndeshjet e fazës së ligës të Ligës së Konferencës, të dy padyshim do të kenë shanset për t’u dëshmuar. Dhe do të varet nga ata se cili do ta zë vendin e titullarit te Sparta.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!