Mediet italiane kanë reaguar ndaj paraqitjes së fundit të Kyle Walker për AC Milan, pasi ata humbën 1-0 në ndeshjen e parë të raundit të play-off-it të Ligës së Kampionëve ndaj Feyenoord.
Pas një periudhe të dobët formë për Manchester City, ku Walker ishte kapiten i ekipit, ai la kampionët e Premier League në afatin kalimtar të janarit dhe arriti një marrëveshje huazimi me gjigantët italianë të Milanit.
Walker mori fanellën me numër 32, të cilën e kishte veshur David Beckham në San Siro, dhe është bërë e ditur se Rossonerët mund ta blejnë atë në verë për 4.2 milionë funte.
Humbja 1-0 dhe paraqitja e Walker
Anglezi bëri paraqitjen e tij të katërt për ekipin e Sergio Conceicao të mërkurën në mbrëmje, duke luajtur për Milanin për herë të parë në Ligën e Kampionëve.
Por gjërat nuk shkuan siç duhej për Walker dhe Milanin, të cilët humbën 1-0 në Rotterdam pasi Igor Paixao shënoi vetëm tre minuta pasi filloi ndeshja.
Goditja kaloi përmes portierit Mike Maignan, i cili nuk u mbrojt mirë dhe ishte përgjegjës për gabimin në gol. Megjithatë, Walker lejoj Paixao-n të kalonte nga e majta, dhe për këtë performancë ai mori shumë kritika. Paixao u shpall “Lojtari i Ndeshjes”, ndërsa Walker arriti të fitonte vetëm 42% të dueleve të tij.
Reagimet e mediave
La Repubblica i dha notën 4.5 për paraqitjen e Walker dhe tha se ai “nuk e kishte në kontroll ndeshjen”.
Gazzetta tha se ish-mbrojtësi i Tottenham kishte “një mbrëmje të vështirë”.
Sempre Milan i dha 5/10, duke theksuar se Walker “sigurisht e humbi betejën e tij 1v1 dhe pati vështirësi të përgjithshme në mbrojtje”. Me një sukses kalimi prej kjo media shkroi se Walker “ndihmoi pak në sulm“.
Për fund, gazetari Matteo Bonetti shkruajti në X se Walker kishte pasur “lojën e tij më të vështirë me Milanin prej që ai u bashkua me këtë ekip” dhe shtoi se kundërshtari i tij, Paixao, dukej “i pandalshëm” në krahun e tij.
Reagimi i Walker ndaj humbjes
Walker pësoi humbjen e tij të parë me ngjyrat e Milanit dhe dha një vlerësim të thjeshtë për humbjen në një intervistë pas ndeshjes me Amazon Prime Video.
” Ata shënuan dhe ne jo. Ky është futbolli. Na duhet të punojmë më shumë në sulm para portës”, tha ai.
“Duhet të bëjmë më shumë, ekipi ka shumë cilësi. Nëse nuk shënojmë gola, është sepse duhet të sulmojmë më mirë si një ekip. Duhet të sulmojmë dhe mbrojmë të gjithë së bashku.”
Milan do të shpresojë të reagojë të shtunën kur të presin Veronën në Serie A.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
