Agjencia serbe e lajmeve Tanjug shkruan që udhëtimi promovues i linjës hekurudhore Beograd- Mitrovicë, do të organizohet nesër me nisje nga stacioni hekurudhor kryesor në Beograd për në Mitrovicë.

Kjo linje është iniciuar nga e ashtuquajtura Zyra e Serbisë për Kosove, përderisa Autoriteti Rregullativ i Hekurudhave ditën e enjte e ka  quajtur të jashtëligjshme lëshimin e  kësaj linje.

Sipas Autoriteti Rregullativ i Hekurudhave të Kosovës  i vetmi autoritet përgjegjës për licencimin e ndërmarrjeve hekurudhore është Autoriteti Rregullativ i Hekurudhave të Kosovës.

“Në bazë të Ligjit të Hekurudhave të Kosovës, i vetmi autoritet përgjegjës në Kosovë për licencimin e ndërmarrjeve hekurudhore, rregullimin dhe mbikëqyrjen e sektorit hekurudhor dhe dhënien e certifikatave dhe autorizimeve të sigurisë për nënsisteme hekurudhore është Autoriteti Rregullativ i Hekurudhave të Kosovës (ARH)”, thuhej në njoftimin e ARH-se. /Insajderi.com