24 vjet më parë, më 26 shkurt 1993 për shkak të trysnive të mëdha të regjimit të Sllobodan Millosheviqit u dëbuan kroatët nga Kosova, respektivisht nga Janjeva.

Mbi dyqind familje kishin ikur vetëm atë ditë nga Janjeva.

Në vitet e ’90 të shekullit të kaluar banorët e Janjevës kanë përjetuar disa valë të persekutimit nga shteti i Serbisë, duke përfshirë kroatët e tjerë të Kosovës nga vendet si; Letnicë, Vrnez, Vrnavokolo, Shashare, Zagragjë dhe Veselicë, shkruan zëri.info

Pas persekutimit të viteve 1990, kroatët nga Janjeva janë shpërngulur në Kroaci. Nga 10.000 kroatët e shpërngulur me dhunë nga ana e serbëve, në Janjevë kanë mbetur 300 kroatë, ndërsa 50 të tjerë në Letnicë.