Bashkëshortja e kandidatit republikan Melania Trump ka reaguar ndaj videos së publikuar ku bashkëshorti i saj dëgjohet duke ofenduar gratë.

Në një intervistë për CNN Trump tha se ajo çfarë është dëgjuar në video nuk është e vërtet. Sipas saj, ajo ka qenë vetëm një bisedë në mes meshkujsh.

“Ndërsa gratë të cilat e akuzojnë për ngacmime seksuale gënjejnë”, ka thënë Melania Trump.

Ajo tha se kishte pranuar faljen e të shoqit dhe fajësoi prezantuesin Bush për publikimin e videos.

Sipas saj ajo është publikuar e  orkestruar nga ekipi i fushatës së Hillary Clinton-it, për ta dëmtuar kandidaturën e Trump.

“Unë e di që ai i respekton gratë, por po mbrohet pasi këto janë thjesht gënjeshtra. I besoj bashkëshortit tim. Ai është i sjellshëm, xhentëlmen dhe nuk do t’i bënte kurrë gjërat për të cilat akuzohet”, ka thënë Melania.

Në videon e publikuar para pak ditësh nga gazetari Billy Bush, Trump dëgjohej duke përdorur një gjuhë vulgare ndaj grave. /Insajderi.com