Këngëtarja e njohur Melinda Ademi ka ndarë me ndjekësit e saj në Instagram një nga momentet më të bukura të jetës.
Përmes një videoje në Instastory, ajo publikoi çastet kur partneri i saj, Granit Muhaxheri, i bëri propozimin romantik për martesë buzë detit.
Në sfondin e një zemre gjigante me mbishkrimin “Will you marry me?”, fishekzjarrë e dekorime elegante me lule e drita, Graniti u ul në gjunjë për t’i dhënë unazën e fejesës.
Melinda shihet e emocionuar dhe e lumtur në këtë moment të paharrueshëm, ndërsa pamjet kanë marrë menjëherë vëmendje të madhe në rrjetet sociale.
Ky hap i rëndësishëm shënon një kapitull të ri në jetën private të artistes, e cila prej kohësh po shijon lidhjen e saj me Granitin.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
