Kryetari i Partisë Demokratike të Kosovës, Memli Krasniqi, është takuar sot me Përfaqësuesen e Lartë të Bashkimit Evropian për Politikë të Jashtme dhe të Sigurisë, Kaja Kallas, e cila po qëndron për vizitë në Kosovë.

Në një postim në rrjetet sociale, Krasniqi bëri të ditur se gjatë takimit kanë diskutuar për zhvillimet politike në vend dhe nevojën për stabilitet institucional si dhe përparimin e Kosovës drejt integrimit evropian.

“Znj. Kallas e njoftova se PDK-ja ka dhënë dhe mbetet gjithmonë e gatshme të japë kontributin e saj në zgjidhjen e krizës aktuale politike, si dhe në mbrojtjen e interesit qytetar dhe shtetëror,” tha Krasniqi.

Ai shtoi se i ka kërkuar Kallasit angazhimin për heqjen sa më të shpejtë të masave ndëshkuese ndaj Kosovës, duke e cilësuar këtë si një shenjë konkrete për të ardhmen evropiane të vendit dhe për avancimin e marrëdhënieve Kosovë – BE.

Në postimin e tij, kryetari i PDK-së thekson përkushtimin e partisë ndaj vlerave perëndimore, bashkëpunimit të ngushtë me partnerët ndërkombëtarë dhe avancimit të pozitës së Kosovës në arenën ndërkombëtare.

Memli Krasniqi falënderoi Kallas për vizitën dhe mbështetjen e vazhdueshme që i jep Kosovës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!