Gjiganti i prodhimit të veturave Mercedes Benz, e ka prezantuar serinë e re e cila u frymëzua nga Formula 1.

Koncepti i modelit ekskluziv ‘Pure Speed’, u shfaq fillimisht gjatë garë F1 për çmimin e madh të Monacos, e tani edhe zyrtarisht doli para syve të adhuruesve në Abu Dhabi.

Është modeli i parë nga familja e re Mythos, i cili do të prodhohet në vetëm 250 njësi, transmeton Klankosova.tv

Seria e veturës do të jetë sikur ajo ekzistuese SL, por është modifikuar gjerësisht dhe do të jetë shumë më e shtrenjtë.

Duke pasur parasysh faktin se është speedster, vetura nuk ka xhamin e përparmë tradicional dhe shtyllat A, por një sistem halo të frymëzuar nga Formula 1, i cili është bërë nga çeliku me rezistencë të lartë për të mbrojtur pasagjerët.

Dizajni është shumë i ngjashëm me Mercedes-AMG GT Speedster, i cili u prodhua nga kompania gjermane Bussink disa vite më parë.

Çdo PureSpeed ​​ka një maskë të përparme shumë të ngjashme me atë të standardit SL, por janë bërë disa ndryshime të rëndësishme.

Për shembull, hyrjet janë ridizajnuar, dhe ka gjithashtu një kapak unik që kontribuon në aerodinamikë.

Një difuzor i pasmë i personalizuar dhe kapaku i bagazhit janë modifikuar gjithashtu për të kompensuar mungesën e një çatie.

Elementi aktiv aerodinamik është “fshehur” në trupin e zgjatur dhe rrit forcën poshtë në boshtin e përparmë.