Një incident ka ndodhur gjatë një fluturimi në aeroportin Ndërkombëtar të Denverit në Amerikë. Më shumë se 170 pasagjerë dhe gjashtë anëtarë të ekuipazhit u evakuuan pasi motori i një avioni të American Airlines mori flakë.

Avioni ishte nisur nga Kolorado me destinacion Aeroportin Ndërkombëtar të Dallasit në Teksas. Incidenti ndodhi pasi avioni Boeing 737-800 u devijua dhe u ul në Denver. Situata u duk se u përshkallëzua disa minuta më vonë, pasi avioni u ul në aeroport, kur dikush në radio bërtiti zjarr në motor.

Dymbëdhjetë pasagjerë pësuan lëndime të lehta dhe u dërguan në një spital lokal. Imazhet tregojnë pasagjerët duke u ngjitur nga dyert e urgjencës dhe mbi krahët e avionit.

Administrata Federale e Aviacionit e SHBA (FAA) ka hapur hetim për të kuptuar shkaqet e incidentit. Kjo ngjarje vjen pas një sërë incidentesh në Amerikën e Veriut që kanë ngritur shqetësime për sigurinë e aviacionit. Një aksident fatal në Uashington DC la të vdekur 67 persona kur një avion rajonal i American Airlines u përplas në ajër me një helikopter të ushtrisë amerikane Black Hawk. Përplasja në kryeqytetin amerikan ngriti pyetje në lidhje me mungesat e kontrollorëve të trafikut ajror.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!