Reperi dhe producenti i njohur amerikan, Sean “Diddy” Combs, është dënuar nga gjykata federale në Nju Jork me 50 muaj burgim (rreth 4 vjet e 2 muaj).

Vendimi erdhi pas një procesi shumë të ndjekur nga mediat, ku ai u shpall fajtor për akuza që lidhen me shfrytëzimin e eskortave, organizimin e marrëdhënieve seksuale të paguara dhe mbështetjen e prostitucionit ndërkufitar.

Akuza më të rënda si trafikimi seksual, rrjet kriminal dhe shantazhi u hodhën poshtë nga gjykata, pasi provat nuk u vlerësuan të mjaftueshme për t’i vërtetuar, duke i shpëtuar kështu një dënimi shumë më të rëndë.
Megjithatë, vendimi i fundit e vendos Diddyn pas hekurave për më shumë se katër vite, një goditje e madhe për një nga figurat më të fuqishme të industrisë së muzikës amerikane.

Gjatë seancës, artisti 55-vjeçar u shfaq i përulur dhe emocionalisht i thyer. Raportohet se ai shpërtheu në lot, ndërsa avokati i tij i dorëzoi një pecetë për t’u fshirë. Pavarësisht kësaj, prokurorët theksuan se dënimi ishte i domosdoshëm për të dhënë një mesazh të qartë kundër abuzimeve të pushtetit dhe pasurisë.

Rasti i Diddyt u kthye në një nga proceset më të bujshme të viteve të fundit në SHBA, duke tronditur industrinë e muzikës dhe biznesin miliardësh që ai kishte ndërtuar. Shumë nga bashkëpunëtorët e tij muzikorë kanë shmangur komentet, ndërsa disa ish-partnere të tij kanë deklaruar publikisht se vendimi i gjykatës përfaqëson një hap drejt drejtësisë.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur