Mark Carney, ish-guvernatori qendror që mbikëqyri përgjigjen ndaj krizave financiare në Amerikën e Veriut dhe në Mbretërinë e Bashkuar, do të jetë kryeministri i ardhshëm i Kanadasë pasi të fitojë garën për të udhëhequr partinë federale liberale të vendit.
Carney, 59 vjeçar, merr këtë rol në kohën kur Kanadaja është e përfshirë në një luftë tregtare me SHBA-në, prej kohësh aleatin e saj më të ngushtë dhe partnerin më të madh tregtar.
Më herët gjatë javës, Donald Trump njoftoi një taksë prej 25% për të gjitha mallrat kanadeze, me një ndarje për sektorët e automobilave dhe energjisë. Tarifat kanë fuqinë për ta shtyrë ekonominë e brishtë të Kanadasë në një recesion, raporton The Guardian, përcjell Insajderi.
Përpara njoftimit, kryeministri në largim, Justin Trudeau, elektrizoi turmën duke u thënë Liberalëve se ishte krenar për trashëgimtarin e qeverisë së tij.
Por, ai paralajmëroi për kohë të rrezikshme për vendin.
“Ky është moment përcaktues i kombit. Demokracia nuk është e dhënë. Liria nuk është e dhënë. Edhe Kanadaja nuk është e dhënë”, u tha ai mbështetësve.
Me 85.9% të votave, Carney mundi ish-ministren kanadeze të financave Chrystia Freeland, ish-kryetaren e shtëpisë së qeverisë Karina Gould dhe ish-deputetin Frank Baylis. /Insajderi.org/
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
