Në miqësoren përballë Katarit, ata do të provojnë që të vënë në zbatim skemat dhe ushtrimet taktike që kanë përgatitur deri tani, shkruan Panorama-Sport.

Seanca e fundit Trajneri ka zhvilluar një stërvitje me dyer të mbyllura. Megjithatë, në 15 minutat e para që kanë qenë të hapura, lojtarët janë argëtuar me një lojë ku dy skuadra kanë qenë në garë për të futur një top në kosha. Në pjesën taktike, trajneri ka testuar edhe një herë repartet duke “përzier kartat”, megjithatë, nga ajo që është kuptuar, pritet që në fushën e lojës të zbresë një Shqipëri sulmuese.

Duke qenë se përballë do të jetë Katari, moduli i përzgjedhur dhe lojtarët që pritet ta nisin nga minuta e parë mund të shndërrojnë sistemin e lojës nga 4-4-2 në 4-4-1-1 ose në 4-5-1 apo 4-2- 3-1.

Këtë mundësi De Biasi e ka nga karakteristikat e Gashit, i cili mund të luajë si sulmues i dytë pas Cikalleshit, apo edhe lojtar që të bëjë pykën e dytë në majë me sulmuesin kavajas. Repart, i cili do të ketë vëmendjen kryesore në këtë takim.

Për probleme të vogla që po kalon, kapiteni Cana pritet t’i lërë një vend titullari Ajetit, ndërkohë që Mavraj do të jetë në detyrë këtë ndeshje.

Formacioni: Berisha; Hysaj, Mavraj, Ajeti, Aliji; Roshi, Basha, Xhaka, Lenjani; Gashi, Cikalleshi.