Kompania “ Meta” kërcënon me largimin e të gjitha lajmeve nga platformat e saj, përfshirë edhe Facebook,  nëse Akti i Konkurrencës dhe Ruajtjes së Gazetarisë arrin të bëhët projekt-ligj në SHBA.

Ky projekt-ligj do t’i jepte platformave të mediave sociale një periudhë katër vjeçare gjatë së cilës ata mund të negociojnë me media për të ndarë të ardhurat nga reklamat.

Zëdhënësi i Meta-së, Andy Stone, në Twitter shkroi “ Nëse Kongresi kalon një projekt-ligj të gazetarisë së konsideruar si pjesë e legjislacionit të sigurisë kombëtare, ne do të detyrohemi të marrim në konsideratë heqjen e lajmeve nga platforma jonë krejtësisht, në vend që t’i nënshtrohemi negociatave të mandatuara nga qeveria që mosrespektimi i padrejtë i çdo vlere që ne ofrojmë për gazetat përmes rritjes së trafikut dhe abonimet “.